നിന്റെ മിഴികളിൽ, മരണവീട്ടിലെ നിശബ്ദത
ഇമയനക്കങ്ങളിൽ,ചിതയിലെ ആളൽ..
പുരികങ്ങൾ,മരണമറിഞ്ഞെത്തിയവരെപ്പോലെ
നിശബ്ദമിരിക്കുന്നു...
നിന്റെ പുഞ്ചിരി,എനിക്കുള്ള സഞ്ചയനക്കാർഡ്
വ്യസനസമേതം, എന്റെ വിശപ്പുതീർക്കാൻ
മരിച്ചവളുടെ കുറിമാനം..
നിന്റെ രഹസ്ത്ഥലികൾ,എനിക്ക് പഷ്ണിക്കഞ്ഞി
ഉടലുറവിന്റെ കടുന്തുടി,യമകിങ്കരന്റെ മഹിഷസഞ്ചാരം..
പ്രണയം നിരസിച്ചവളേ പകയോടെ ഭോഗിക്കാൻ
ഉടല്‌ കടം തന്നതിന്‌ നിനക്ക് നന്ദി..
അളമുട്ടിയവളുടെ അനുഭവ കഥനം കൊണ്ട്
നഷ്ടബോധത്തിന്റെ തീ കെടുത്തിയവൾക്കായി
ഈ സ്ഖലിതം..
കമ്മട്ടങ്ങൾ പ്രസവിച്ച കടലാസു ദൈവം
നിന്റെ നിമിഷങ്ങൾക്ക് വിലപേശുന്നു..
ഒരു മഗ്ഗ് വെള്ളത്തിന്റെ വിലയിട്ട്
എന്നെയും നീ അഴുക്കുചാലിലേക്കൊഴുക്കുക...
വിയർപ്പുമണക്കുന്ന ഈ ഓർമ്മകൾ കൊണ്ട്
വ്യഭിചാരത്തിന്റെ വിശുദ്ധകാവ്യം രചിക്കട്ടെ ഞാൻ..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ